Қозоғистонда илк бор робот-жарроҳ ёрдамида операция амалга оширилди. Бу ҳақда Tengrinews хабар берди.
Бемор 58 ёшда, унга икки томонлама деформация қилувчи гонартроз III-IV даража ташхиси қўйилган. Бу тизза бўғимларининг шикастланиши билан боғлиқ касалликдир. Беморга маҳаллий анастезия қилинган, операция пайтида у оғриқни ҳис қилмаса ҳам, ҳушида бўлган.
Шифокорлар роботлаштирилган даволаш усулини жорий этишнинг ижобий ва салбий томонларини тўлиқ баҳолаш учун мураккаб тизза бўғимларини алмаштириш операциясини робот ёрдамида амалга оширган. Бундай операциянинг асосий мақсади шифокор ва роботнинг жамоавий иши қанчалик самарали эканини тушуниш ва олинган даволаниш натижасини баҳолашдир.
Зарарланган ҳудуднинг 3D сканерлаши туфайли робот барча параметрларни математик жиҳатдан бенуқсон ҳисоблаб, беморнинг бўғимига имплант ўрнатиш имконини беради. Операция IT мутахассислари туфайли компьютер навигацияси орқали амалга оширилган. Операция икки соатдан ортиқ давом этган ва муваффақиятли ўтган.
Изоҳ (0)