Саудия Арабистони шўро кенгаши “Саудия — Ўзбекистон” парламентлараро дўстлик қўмитаси раиси Муҳаммад бин Абдулазиз ал-Жабра бошчилигидаги парламент делегацияси 30 июнь куни Ўзбекистонга ташриф билан келди. Бу ҳақда Қонунчилик палатаси матбуот хизмати хабар берди.
Меҳмонларни Олий Мажлис Қонунчилик палатаси спикери ўринбосари Одилжон Тожиев кутиб олди.
Ташриф давомида Саудия Арабистони парламенти делегациясининг Олий Мажлис палаталари раҳбарияти билан учрашувлари, Самарқанд, Бухоро ҳамда Тошкент шаҳрининг тарихий ва меъморий обидаларига ташрифи режалаштирилган.
Изоҳ (0)