Сувли майдонларга экилган ғаллазорлардан 2 миллион 550 минг тоннадан ортиқ буғдой жамғарилиб, давлат хариди тўлиқ бажарилди. Бу ҳақда Ўзбекистон фермер, деҳқон хўжаликлари ва томорқа ер эгалари кенгаши ахборот хизмати “Дарё”га маълум қилди.
Кенгаш тақдим этган маълумотга кўра, ҳар гектардан 2,5 тонна буғдой олинган бўлиб. биржаларда сотиш учун омборларда захира қилинган.
Жорий йил ҳосили учун биологик эскирган навлар ўрнига янги серҳосил ва об-ҳавонинг ноқулай шароитларига чидамли кузги буғдой навларининг майдони 585 минг гектарга кенгайтирилди.
Мавсумда 4,5 мингдан ортиқ фермер хўжаликлари 100 центнердан юқори хирмон яратди. Бунда 40 мингга яқин ғаллачилик фермер хўжаликларининг муносиб ҳиссаси бор.
Қарийб 5 мингга яқин фермер 285 минг гектарда ўз маблағлари ҳисобига ғалла етиштирди, — дейилади ахборотда.
Қўшимча қилинишича, сувли майдонлар ҳамда лалми ва чорвачилик хўжаликлари майдонларида етиштирилган ҳосил ҳисобидан жами 9 миллион тоннадан ортиқ ғалла олиш режа қилинган бўлиб, ҳозирда далада ўрим-йиғим ишлари давом этмоқда.
Изоҳ (0)