Коми республикасининг Инта-1—Уголний участкасида 26 июнь куни йўловчи поездининг 9 та вагони рельсдан чиқиб кетди. Бу ҳақда Россия темирйўллари хабар берди.
-HowQ399z.jpg)
511-сонли Воркута — Новороссийск поездининг вагонлари рельсдан чиқиб кетган. Мазкур участкада поездлар ҳаракати тўхтатилган. ТАСС манбасига кўра, 70 киши жароҳат олган. Фавқулодда хизматлардаги “Интерфакс” манбаси эса 50 га яқин одам жароҳатланганини айтмоқда. Жабрланганларга асосан синиш, кўкариш ва мия жароҳатлари ташхиси қўйилган.
Ҳодиса оқибатида ҳалок бўлганлар йўқ. Поездда жами 14 та вагон ва 232 нафар йўловчи бўлган. Воқеа жойига иккита қутқарув поезди жўнатилган.
“Воркута – Новороссийск №511 поезди билан содир бўлган ҳодисанинг дастлабки сабаби кучли ёғингарчилик натижасида йўл пойдеворини сув ювиб кетиши бўлган”, — дейилади хабарда.
Изоҳ (0)