Иккинчи Ғарбий округ ҳарбий суди ҳакамлар ҳайъатининг айблов ҳукми асосида Шишкан номи билан танилган криминал бошлиғи Олег Медведевни умрбод қамоқ жазосига ҳукм қилди. Бу ҳақда “РИА Новости” хабар берди.
Жараён иштирокчиларининг кўплиги сабабли иш Москва шаҳар судининг энг катта залларидан бирида жойида кўриб чиқилган.
Жиноятлар йиғиндисидан келиб чиқиб, Медведев охир-оқибат умрбод қамоқ жазосига ҳукм қилиниб, уни алоҳида режимдаги колонияда ўташи мумкин, — дея қарорни эълон қилди судья Алексей Гринев.
Шунингдек, Шишкан беш миллион рубль миқдорида жаримага тортилган.
Май ойининг ўрталарида судьялар аввал судланмаган Медведев ва унинг жиноий гуруҳ аъзоларига нисбатан айблов ҳукмини киритган, прокурор унга умрбод қамоқ жазосини беришни сўраган эди.
Медведевнинг жиноят тарихи
Медведев ва унинг шериклари “Раменское наслчилик заводи” ЯЖ бош директори, маҳаллий ҳокимият депутати Татьяна Сидорова ва унинг уч нафар оила аъзоларини заводнинг ер участкаларини эгаллаб олиш мақсадида ўлдирган.
Бундан ташқари, Медведевнинг жиноий ҳамжамиятини молиялаштириш учун унинг аъзолари Москва вилоятидаги тадбиркорлардан пул ундиришган, табиий ресурсларни қазиб олиш соҳасида рақобатни бартараф этиш учун қотиллик содир этган, Медведев ва унинг қўл остидагиларнинг жиноий талабларини бажаришдан бош тортган шахсларнинг соғлиғига турли даражада зарар етказган ва мулкига ўт қўйган.
Россия Тергов қўмитасининг таъкидлашича, ишда иштирок этаётган ҳар бир шахс бандитизм, қотиллик, товламачилик, баданга оғир шикаст етказиш, ўқотар қурол ва ўқ-дориларни қонунга хилоф равишда сақлаш, жиноий жамиятда иштирок этиш, жиноий иэрархияда олий табақани эгаллаш ва бошқа жиноятларни содир этишда айбдор деб топилган.
Изоҳ (0)