“Чилонзортумангаз” газ таъминоти бўлими маҳалла газчиси ва еткачи муҳандиси ушланди

“Чилонзортумангаз” газ таъминоти бўлими маҳалла газчиси ва еткачи муҳандиси ушланди, деб хабар бермоқда Прокуратура департаменти. 

Унга кўра, ҳолат Бош прокуратура ҳузуридаги департаментнинг Чилонзор туман бўлими томонидан ИИББ ходимлари билан ҳамкорликда тадбиркорлик субъектларининг ҳуқуқларини ҳимоя қилиш юзасидан ўтказилган тезкор тадбирда аниқланган. “Чилонзортумангаз” газ таъминоти бўлими маҳалла газчиси Б.Ю. ва маҳаллада ишлаш хизмати етакчи муҳандиси С.А. тадбиркор Х.С.нинг Карвонсарой 1-тор кўчасида жойлашган меҳмонхонасида фойдаланилган табиий газ учун тўловида аниқланган камчиликлар бўйича далолатнома расмийлаштиришиб, қонуний чора кўриш учун ҳуқуқни муҳофаза қилувчи органларига юбормаслик эвазига тадбиркордан 25 миллион сўм талаб қилиб олган вақтида ашёвий далиллар билан ушланган.

Мазкур ҳолат юзасидан Жиноят кодексининг 210-моддаси (пора олиш) билан жиноят иши қўзғатилиб, тергов ҳаракатлари ўтказилмоқда.