Фарғона вилоятининг Ўзбекистон туманида табиий газдан ноқонуний фойдаланиб, оҳак цехи ташкил этилганлиги аниқланди. Бу ҳақда Бош прокуратура матбуот хизмати хабар берди.
Маълум қилинишича, ўтказилган рейд тадбирида фуқаро С.М. Ўзбекистон тумани, “Овчи” МФЙ Анжирбоғ кўчасида жойлашган хонадонда 120 дона горелка ёрдамида умумий фойдаланишдаги табиий газ тармоғига тижорат мақсадида ўзбошимчалик билан уланиб, оҳак ишлаб чиқариш цехи фаолиятини йўлга қўйиб, дастлабки ҳисоб-китобларга кўра 289 млн сўмлик табиий газдан ноқонуний фойдаланганлиги аниқланди.
Мазкур ҳолат юзасидан Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.
Изоҳ (0)