ANORBANK “HR-бренд 2023 мукофоти”нинг “Минтақа” номинациясида иккинчи ўринни эгаллади. Банк вакиллари уларнинг қайси лойиҳаси мукофотга сазовор бўлгани ва унинг афзалликлари ҳақида сўзлаб беришди.
Олмаота шаҳрида “HR-бренд Марказий Осиё 2023 мукофоти”нинг тақдирлаш маросими бўлиб ўтди. Унда ANORBANK маданий трансформация лойиҳаси билан “Минтақа” номинациясида иккинчи ўринни эгаллади. “Агар сиз дунё ўзгаришини истасангиз, ўзингиз ўзгаринг”, дейилади лойиҳа шиорида. Унинг асосий ғояси компаниядаги корпоратив маданиятни ўзгартиришга қаратилган бўлиб, у орқали банк миссияси ҳамда унинг қадриятларини янгилаш кўзда тутилган.
“Банкимизда қадриятлар шунчаки қуруқ сўз эмас, балки корпоратив маданиятимизни белгилайдиган ҳақиқий тамойиллардир. Қадриятларимизни тузишда биз мижозларимиз ва ходимларимизга биз билан мулоқот қилишдан қандай натижалар кутишлари мумкинлигини тушунишларига имкон беришни хоҳладик; ходимлар учун қарор қабул қилиш жараёнини соддалаштирдик, шунингдек, номзодларни танлаш жараёнида ўрнак олса бўладиган ташкилот бўлишга ҳаракат қилдик”, — дея ўз фикрлари билан ўртоқлашди ANORBANK кадрлар бўлими директори Онажон Жуманиёзова.
“HR-бренд Марказий Осиё мукофоти” — иш берувчилар орасида машҳур ва нуфузли мукофотлардан бири бўлиб, у орқали кадрлар билан ишлаш соҳасидаги энг яхши лойиҳалар эътироф этилади. “Минтақа” номинациясида Қозоғистон, Қирғизистон ва Ўзбекистон шаҳарларида амалга оширилган муваффақиятли лойиҳалар алоҳида кўриб чиқилади ва баҳоланади.
“11 йил давомида “HR-бренд Марказий Осиё мукофоти” муҳим халқаро тадбир сифатида эътирофга сазовор бўлди. Йилдан йилга биз иштирокчилар лойиҳалари сифатининг сезиларли даражада ўсиши ҳамда янги ғоялар ва тенденцияларнинг пайдо бўлишини кўрмоқдамиз. Кўп вақт талаб қилувчи жараёнлар ўрнини инновасион ечимлар эгалламоқда, технологиялар жадал ривожланмоқда. Шу боис рақамли даврнинг чақирувларига тайёр бўлиш керак. Ижодкорлик ва мослашувчанлик иштирокчилар лойиҳаларида тобора кўпроқ эътиборга олинадиган хусусиятларга айланиб бормоқда, — таъкидлади HeadHunter бренд маркази директори Нина Осовиская.
ANORBANK биринчи маҳаллий рақамли тижорат банки ҳамда Ўзбекистоннинг энг қиммат брендларидан бири бўлиб, у мижозларга хизмат кўрсатишни ривожлантириш бўйича мунтазам равишда янги лойиҳаларни амалга ошириб келмоқда. Унинг вазифаси вақтни тежайдиган ва мижозлар истакларини ўзида мужассам қилган ишончли маҳсулотларни яратишдир.
ANORBANKнинг замонавий ҳамда фойдали маҳсулотлари ва хизматлари ҳақида банкнинг сайтида, мобил иловада ижтимоий тармоқлардаги саҳифаларида батафсил маълумот тақдим этилган:
- Сайт: www.anorbank.uz
- Telegram: анорбанк
- Instagram: анорбанк
- Facebook:анорбанк
- Алоқа учун: 1290
Реклама ҳуқуқи асосида
Изоҳ (0)