Чеченистоннинг Нўғай вилоятида 7 яшар бола ўзидан икки ёш кичик укасини бобосининг милтиғида отиб, ўлдириб қўйди. Бу ҳақда “РИА Доғистон” хабар берди.
Ҳодиса 28 май куни Червленние Буруни қишлоғида содир бўлган. Болалар фермада ўйнаб, бобосининг хонасидан ўқув милтиғини топиб олган. Хона эшиги қулфланганига қарамай, болалар унга киришга муваффақ бўлган. 7 ёшли бола милтиқни қўлига олиб, унинг ўқланганини билмаган ҳолда ундан ўқ узган. Оқибатда беш ёшли укаси кўкрак қисмидан жароҳатланган.
“Бола пневматик милтиқдан ўқ отилиши натижасида олган жароҳати оқибатида касалхонага олиб кетилаётганда вафот этган”, — дейди Россия Тергов қўмитаси.
Тергов қўмитаси раҳбари Александр Бастрикин боланинг ўлими билан боғлиқ ишга қизиқиш билдириб, Доғистон бўйича тергов қўмитаси раҳбарига процессуал текширув ҳақида ҳисобот беришни топширган. Ҳолат Доғистон прокуратураси томонидан ўрганилмоқда.
Изоҳ (0)