АҚШнинг Канзас штатида ит машинада бирга кетаётган эгаси 30 ёшли Жозеф Смитни отиб қўйди. Бу ҳақда NBC news хабар берди.
Эркак машина салонидаги қуролни ити тасодифан босиши оқибатида вафот этган. Ҳодиса дам олиш кунида юз берган. Самнер округи шерифи воқеани бахтсиз ҳодиса деб атамоқда. Марҳум олдинги ёъловчи ўриндиғида кетаётганда яраланган. Машина ҳайдовчиси эса жароҳат олмаган. Ҳодиса жойига келган шифокорлар эркакни қутқаришга ҳаракат қилган, бироқ у воқеа жойида вафот этган.
Шунга ўхшаш воқеа 2022 йилда Туркияда ҳам содир бўлганди. 32 ёшли Ўзгюр Геврекўғли ити милтиғни унга қарата босиши оқибатида вафот этган. Воқеа Геврекоғли ов тўпламини машинанинг орқа ўриндиғига жойлаётган пайтда юз берган. Уни касалхонага олиб кетишган, бироқ жабрланувчи вафот этгани тасдиқланган.
Аввалроқ АҚШдаги мактабда 6 ёшли ўқувчи ўз ўқитувчисини отиб қўйганди ва АҚШда 10 ёшли бола онасини отиб ўлдирганди.