Туркияда ўзбекистонлик йигитни ўз хонадоши бўлган яна бир ўзбекистонлик йигит билмасдан, отиб ўлдириб қўйди. Бу ҳақда Истанбул Бош консулхонаси хабар берди.
Айтилишича, 9 апрель куни Истанбул вилояти Фотиҳ туманида вақтинчалик ишлаш учун келган икки нафар Ўзбекистон фуқаролари Instagram тармоғига тўппонча билан видео олиб жойламоқчи бўлган. 22 ёшли С.Геббаров хонадоши ва ўртоғи У.Раҳматиллоев томонидан отиб қўйилган.
С.Геббаров бош қисмига отилган ўқ натижасида ўша ерда вафот этган. У.Раҳматиллоев эса маҳаллий полиция томонидан ушланган. У.Раҳматиллоевнинг кўрсатмасига кўра, икки ўртоқ арафа куни биргаликда ифтор қилиб, гаплашиб ўтирган. С.Геббаров тўппонча билан видео олмоқчи бўлган. У.Раҳматиллоев тўппончани ўқсиз деб ўйлаб билмасдан отиб қўйган.
Вафот этган ватандошнинг жасадини мамлакатга юбориш бўйича ишлар олиб борилмоқда.
Изоҳ (0)