Америкалик поп-хонанда Бейонсе, унинг турмуш ўртоғи Jay-Z, рэпер Big Freedia ҳамда Sony Music овоз ёзиш студияси хорижда биринчи рақамли хитга айланган “Break My Soul” номли қўшиғи муаллифлик ҳуқуқини бузганликда айбланмоқда.
Мазкур тарона Бейонсенинг 2022 йил июль ойида чиққан еттинчи альбомидан ўрин олган. Унда Big Freedia томонидан 2014 йилда чиқарилган “Explode” қўшиғи сўзлари ва ўхшаш мусиқий оҳанг мавжуд. Da Showstoppaz гуруҳининг даъво қилишича, қўшиқда 2002 йилда чиққан “Release a Wiggle” трекидан парча ўғирланган. Америкалик реп қўшиқчиси Big Freedia қўшиқдаги парчадан ноқонуний фойдаланган.
Big Freedia ва Бейонсе муаллифлик ҳуқуқларини бузгани ҳақида хабардор қилинган, аммо хонандалар лицензия олишдан бош тортган. Эндиликда Da Showstoppaz гуруҳи уларни ҳаммуаллиф сифатида рўйхатга олиш, етказилган зарарни қоплаш, шунингдек, қўшиқдан келадиган кейинги даромаднинг бир қисмини ўтказишни талаб қилмоқда.
Гуруҳ аъзоларининг сўзларига кўра, Бейонсе ва бошқалар бир нечта мукофотлар ва катта даромад олган бўлса-да, Da Showstoppaz ҳеч қандай эътироф, мукофот ва бирор моддий манфаат олмаган.
Изоҳ (0)