Хитой Давлат Интернет-ахборот идораси Хитой раиси Си Цзиньпин фикрлари жойлаштирилган Chat Xi PT янги катта тил моделини тақдим этди. Бу ҳақда Financial Times хабар берди.
Тил модели Си Цзиньпиннинг янги давр учун социализм ҳақидаги фикридан, Хитой раҳбарининг ёзувлари ва нутқларига асосланган сиёсий фалсафасини ўз ичига олган. Бундан ташқари, Chat Xi PT Интернет регулятори томонидан тақдим этилган бошқа расмий адабиётларни ҳам ўрганади.
Корпуснинг тажрибаси ва ваколати яратилган контентнинг профессионаллигини кафолатлайди, — дейди Интернет-ахборот идораси.
Ҳозирча мазкур бот Интернет-регулятор қошидаги тадқиқот марказида қўлланилмоқда, бироқ вақт ўтиши билан уни кенг оммага таништириш мумкин. Хабар қилинишича, янги модель саволларга жавоб бериши, ҳисоботлар яратиши, маълумотларни умумлаштириши ва хитой тилидан инглиз тилига таржима қилиши мумкин.
Нашр Chat Xi PT’ни Хитой расмийларининг Американинг OpenAI компаниясининг ChatGPT ботига жавоби деб атайди.
ХХДР Давлат Интернет-ахборот бошқармаси мамлакатда генератив сунъий интеллектни ишлаб чиқувчилардан асосий социалистик қадриятларни ўзида мужассамлаштиришини ва улар яратган контентда давлат ҳокимиятига путур етказувчи контент бўлмаслигини талаб қилган.
Хитойнинг интернет регулятори билан ишловчи Хитойнинг Киберхавфсизлик ассоциацияси 2023 йил декабрь ойида ишлаб чиқувчилар SI’ни ўргатишда фойдаланиши мумкин бўлган “юқори сифатли ва ишончли маълумотлар”нинг 100 миллион ёзувидан иборат биринчи оммавий маълумотлар базасини тақдим этган эди. Булар асосан ҳукумат ҳужжатлари ва давлат оммавий ахборот воситаларидаги нашрлар бўлган.
Изоҳ (0)