Давлат ва хусусий секторида ярим миллион нафардан ортиқ пенсионер ишламоқда. Бу ҳақда Камбағалликни қисқартириш ва бандлик вазирлиги маълум қилди.
Қайд этилишича, Ўзбекистонда расман ишлаётган пенсионерлар сони 579 305 нафарни ташкил этмоқда. Шундан 234 044 нафари эркаклар (40,4 фоиз), 345 261 нафари аёллар (59,6 фоиз).
“Давлат ташкилотларида 250 247 нафар (43,2 фоиз), хусусий секторда 329 058 нафар (56,8 фоиз) пенсионер фаолият юритмоқда”, —дейилади вазирлик ахборотида.
Эслатиб ўтамиз, жорий йилнинг январь–март ойларида республика бўйича 70 384 нафар фуқарога янги пенсиялар тайинланган. 2023 йил давомида Пенсия жамғармаси томонидан жами 292 минг нафар фуқаро пенсия ола бошлаган.
Ҳозир мамлакатда жами пенсия олувчилар сони қарийб 4 миллион нафарни ташкил этади.
Изоҳ (0)