ФИФА президенти Жанни Инфантино Фаластин футбол ассоциацияси президенти Жибрил Ражупнинг Исроил футбол федерацияси ташкилотидаги аъзолигини тўхтатишни талаб қилганига муносабат билдирди.
“ФИФА Фаластин футбол ассоциацияси томонидан берилган талабномани баҳолаш ва ФИФА мақоми ва қоидалари тўғри қўлланилишини таъминлаш учун мустақил ҳуқуқий экспертиза ўтказишга топширди. Вазият долзарблигидан келиб чиқиб таҳлил натижаларини кўриб чиқиш ва тегишли қарорлар қабул қилиш учун жорий йилнинг 20 июлига қадар ФИФАнинг навбатдан ташқари кенгаши чақирилади”, — деди Инфантино Бангкокдаги ФИФАнинг 74-конгресси вақтида.
ФИФА раҳбари Жанни Инфантино “Трабзонспор” мухлислари ва “Фенербаҳче” футболчилари ўртасида 17 март куни бўлиб ўтган жанжал ҳақида ҳам фикр билдириб, спортда ва жамиятда шафқатсизликка ўрин йўқлигини таъкидлаган эди.
Эслатиб ўтамиз, Яқин Шарқдаги вазият ўтган йилнинг октябрь ойи бошидан бери нотинч аҳволдалигича қолмоқда.
Изоҳ (0)