Америкалик IT мутахассис, “Ғаройиб одамлар” франшизасининг ашаддий мухлиси Эрик Жасколка фильм билан боғлиқ 25 мингдан ортиқ турли буюмни тўплади ва Гиннес рекордлари китобига киритилди. Бу ҳақда “Правила жизни” нашри хабар бермоқда.
53 ёшли Эрик ҳозирда IT лойиҳалар менежери бўлиб ишлайди. У 1989 йилда ўзининг ноодатий хоббисини кашф этган. Комикслар дўконига эга ўқитувчиси мактабда унга суперқаҳрамонлар ҳақида айтиб бергач, ёш Эрикда уларга қизиқиш уйғонган. Аввалига у турли журналлар ва ўйинчоқларни йиға бошлади, сўнг фильмга оид бошқа предметлар: календарь, шакллар, либослар, қутилар, ўқув қуроллари, текстиль предметларини ҳам харид қилди.
Қайд этилишича, коллекциячи “Ғаройиб одамлар” фильмига оид барча оригинал комикслар ва журналларни, Росомаха ва Псайлок ҳайкалчасини сотиб олган. Бугунги кунда у ҳафтасига камида 4-5 та янги комикс сотиб олади.
Жасколка тўплаган буюмлар уйидаги иккита катта хонани эгаллайди, яна юзлаб буюмлар алоҳида сақланади. Унинг сўзларига кўра, севимли машғулотига сармоя қилинган пул эвазига янги уй сотиб олиш мумкин эди.
Аввалроқ француз ошпазлари 140 метр узунликдаги багет нони пишириб, италияликлар ўрнатган жаҳон рекордини янгилаган эди.
Изоҳ (0)