Украинада ҳаракатланаётган ҳар қандай хорижий ёлланма контингентлар Россия томонидан потенциал хавф сифатида кўрилади ва нишонга олинади. Бу ҳақда Россия Ташқи ишлар вазирлиги матбуот котиби Мария Захарова берган баёнотга асосланиб, “ТАСС” нашри хабар берди.
Ташқи ишлар вазирлиги расмийси маълум қилишича, Киевга етказиб бериладиган ҳар қандай қурол Россия қуролли кучларининг йўқ қилиниши лозим бўлган қонуний ҳарбий нишони ҳисобланади. Украина ҳудудидаги хорижий ёлланма аскарлар ҳам муқаррар равишда Россия қуролли кучлари ҳужумига учрайди.
“Киев фашистлари режимига етказиб берилган ҳар қандай қурол Россия томонидан қонуний ҳарбий нишон сифатида кўрилади ва йўқ қилинади. Худди шу тарзда, чет эл ёлланма аскарлари ҳам Россия қуролли кучлари ҳужумига дучор бўлади”, — деган Мария Захарова.
13 май куни Ғарб нашрлари Эстония президентининг хавфсизлик бўйича маслаҳатчиси Мадис Ролл Таллин Украина ғарбига қўшин юбориш имкониятини жиддий кўриб чиқаётгани ҳақида айтганини билдирган. Эстония қўшинлари фронт ортида мудофаа вазифасини бажариши айтилган.
Кейинроқ хавфсизлик бўйича маслаҳатчи Мадис Ролл Украинага қўшин юборилиши ҳақида муҳокамалар бўлганини ошкора рад этган. Унинг сўзларига кўра, қўшин юбориш билан боғлиқ режалар асло бўлмаган.
Изоҳ (0)