Наманган ва Самарқанд вилоятларида электр тармоқларига ноқонуний уланиш ҳолатлари фош этилмоқда, деб хабар беради Бош прокуратура ҳузуридаги департамент.
Қайд этилишича, департаментнинг Янги Наманган туман бўлими томонидан терговга қадар текширув ўтказилган. Текширувда “Й.Б.” хусусий корхонаси томонидан ижара шартномаси асосида фойдаланиб келаётган савдо дўконида умумий фойдаланишдаги электр тармоғига ўзбошимчалик билан уланиб, жами 138,5 миллион сўмлик электр энергиясидан ноқонуний фойдаланилгани аниқланган.
Шу каби, департаментнинг Иштихон ва Жомбой тумани бўлимлари томонидан ўтказилган терговга қадар текширувларда ЯТТ А.Т.нинг савдо дўкони ва “С.к.” оилавий корхонасининг умумий овқатланиш шохобчасида электр тармоқларига ўзбошимчалик билан уланиб, жами 103,6 миллион сўмлик электр энергиясидан ноқонуний фойдаланилгани маълум бўлган.
Иштихон туман ЭТКнинг Электр тармоқларини қуриш ва ривожлантириш бўлими собиқ бошлиғи С.К. ЯТТ А.Т.нинг дўконига электр ҳисоблагич ўрнатиб, ҳужжатларини расмийлаштириб бериши эвазига 2,6 миллион сўмини фирибгарлик йўли билан қўлга киритгани аниқланиб, С.К. томонидан 1 миллион сўмнинг қайтарилиши процессуал тартибда расмийлаштирилган.
Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.
Апрель бошларида Сурхондарё вилоятининг Денов, Қашқадарё вилоятининг Муборак ҳамда Фарғона вилоятининг Марғилон шаҳрида газдан ноқонуний фойдаланиш ҳолатлари фош этилган, Андижонда 1,3 млрд сўмлик электр энергиясидан ноқонуний фойдаланган ишлаб чиқариш цехи аниқлангани тўғрисида хабар берилган эди.
Изоҳ (0)