Колумбия шимолида 30 апрель куни ҳарбий вертолёт қулаши оқибатида 9 нафар аскар ҳалок бўлди. Бу ҳақда Anadolu нашри хабар берди.
Колумбия президенти аскарлар ўлими билан боғлиқ ҳолат юзасидан баёнот эълон қилган. Ҳалок бўлганларнинг оила аъзоларига ҳамдардлик йўллаган.
Ҳалокат Боливар маъмурий ҳудудига қарашли Guaraперия қишлоғи ҳудудида юз берган. Ҳодиса оқибатида вертолёт ичида бўлган бир нафар генерал ҳамда саккиз нафар аскар ҳалок бўлган.
Манбада айтилишича, ҳарбий вертолёт “Клан дел Голфо” деб номланган наркобизнес билан шуғулланувчи қуролли гуруҳга қарши операцияда иштирок этаётган бўлган. Ҳалокатга олиб келган сабаб номаълум.
Ҳозирда воқеа жойида ҳалокат юзасидан суриштирув ишлари бошланган. Расмийлар шубҳа остидаги шахсларни терговга чақирган.
Жорий йил бошидан буён Колумбияда вертолёт ҳалокати билан боғлиқ бир нечта ҳолат рўй берган. Уларда жами 15 нафарга яқин хизматчи ҳалок бўлиб, бир қанча аскарлар яраланган.
Изоҳ (0)