Украина хавфсизлик хизмати 24 апрелга ўтар кечаси Россиянинг Смоленск вилоятидаги нефть базаларига иккита дрон учирди. Бу ҳақда “Интерфакс-Украина” хабар берди.
![](/static/2024/04/24/photo_2024-04-24_14-49-06-CSUtFl_n.jpg)
Маълум қилинишича, нишонга олинган объектларда 26 минг куб метр Россия ёнилғиси сақланган. Портлашлардан сўнг ёнилғи-энергетика объектларида йирик масштабда ёнғин келиб чиққан. Объектлардаги ходимлар эвакуация қилинган.
“Роснефть” Смоленск вилоятидаги Ярцево ва Раздорово аҳоли пунктларида ёнилғи-мойлаш материалларини сақлаш ва қуйишга мўлжалланган иккита база ҳужумга учрагани юзасидан маълумот бермаган. Смоленск вилояти губернатори Василий Анохин маълумотни тасдиқлаб, ҳеч ким жабрланмаганини маълум қилган.
Изоҳ (0)