Саудия Арабистони ташқи ишлар вазири Файсал ибн Фархон Ол Сауд Исроил ва Эрон ҳукуматларини вазмин бўлишга, кескинликни кучайтирмасликка чақирди. Бу ҳақда Al Jazeera нашри хабар берди.
Манбада айтилишича, Файсал ибн Фархон Ол Сауд эскалациядан тийилиш ҳамма учун устувор вазифа бўлиши кераклигини таъкидлаган. Акс ҳолда, Яқин Шарқ навбатдаги можарони кўтара олмаслиги мумкин.
Саудия расмийси, шунингдек, Ғазода ўт очишни тўхтатиш чақириғини яна бир бор такрорлаган. Анклавда ўт очишни тўхтатиш бўйича халқаро саъй-ҳаракатлар мутлақо етарли эмаслигини маълум қилган.
“Биз Ғазо халқининг азоб-уқубатларига барҳам бериш учун кўпроқ ҳаракат қилишимиз лозим. Бу уруш тугаши керак”, — деган Саудия Арабистони ташқи ишлар вазири Файсал ибн Фархон Ол Сауд.
Саудия Арабистони Эрон ҳаво ҳужуми ортидан Исроилга нота йўллаб, тинчлик музокараларини тезлаштиришга чақирган иккинчи мамлакатдир. Бундан олдин Хитой расмийлари Тель-Авив билан боғланиб, улардан Ғазо ва Эронга нисбатан душманлик кайфиятидан воз кечишни ҳамда сулҳга эришишни сўраган эди.
Изоҳ (0)