Статистика агентлигининг “Дарё”га маълум қилишича, охирги 8 йил ичида Ўзбекистон ялпи ички маҳсулоти ва унинг аҳоли жон бошига ҳисобланган улуши ўзгариб борди.
Ҳисоб китобларга кўра, 2016 йилда мамлакатда аҳоли жон бошига ҳисобланган ялпи ички маҳсулоти ҳажми 8 миллион сўм (2 704 доллар) бўлиб, 2015 йилдагига нисбатан 4,1 фоизга ўсган. 2017 йилда бу кўрсаткич 9,8 миллион сўмни (1 914 доллар) ташкил этиб, аввалги йилдагига қараганда 2,7 фоизга ошган.
Қолган йилларда аҳоли жон бошига тўғри келган ЯИМ кўрсаткичлар қуйидагича:
- 2018 йилда 12,9 миллион сўм (1 604 доллар);
- 2019 йилда 15,9 миллион сўм (1 794 доллар);
- 2020 йилда 17,7 миллион сўм (1 759 доллар);
- 2021 йилда 21,1 миллион сўм (1 993 доллар);
- 2022 йилда 25,1 миллион сўм (2 276 доллар);
- 2023 йилда 29,3 миллион сўм (2 495 доллар).
Маълумот учун, ўтган йили Ўзбекистон ялпи ички маҳсулоти ҳажми 6 фоиз ўсиб, 90,9 миллиард долларга (ўртача алмашув курси 11,737 сўм) етган. Республика ЯИМ ҳажми 2020 йилда 60,2 миллиард долларни, 2021 йилда 69,6 миллиард долларни, 2022 йилда 81,1 миллиард долларни ташкил этган.
Изоҳ (0)