Франция президенти Эммануэль Макрон, агар АҚШ Киевни қўллаб-қувватлашни тўхтатса, Европа Иттифоқи Украинага 50 миллиард евродан ортиқ маблағ ажратиши мумкинлигини инкор этмади. Бу ҳақда у журналистларга берган интервьюсида айтиб ўтди.
Агар Американинг маблағи бўлмаса, Европа Украинани молиялаштиришнинг янги ечимларини топиши керак бўлади, — деди Франция раҳбари.
Унинг қўшимча қилишича, Европа Иттифоқи Украинани қўллаб-қувватлаш учун 50 миллиард евро ажратишга келишиб олган.
Агар АҚШ Украинани қўллаб-қувватлашда иштирок этмаса, Европа кўпроқ маблағ ажратиши керак бўлади, — деди Макрон.
Франция раҳбари аввалроқ республика ҳарбий-саноат мажмуаси компаниялари раҳбарлари билан учрашувда ҳарбий иқтисодиётга ўтишни тезлаштиришни талаб қилган эди.
Изоҳ (0)