ФИФА Ҳакамлар қўмитаси Париж—2024 футбол турнирларидаги ўйинларни бошқариш учун 45 та давлатдан 89 та ўйин ҳакамини (21 та бош ҳакам, 42 та ёрдамчи ҳакам, 20 та ВАР ҳаками ва 6 та ВАР ҳаками ёрдамчиси) тайинлади. Улар орасида ўзбекистонлик ҳакамлар ҳам бор.
Ўзбекистонлик таниқли ҳакам Илгиз Танташев Олимпиада ўйинларини бошқаради. Унга қанотларда Тимур Гайнулин ҳамда Андрей Цапенко ёрдам беради.
Париждаги Олимпиада баҳслари, аёллар ўртасидаги футбол турнири 2024 йил 25 июлда бошланади ва 2024 йилнинг 10 августида Париждаги Parc des Princes' стадионида олтин медал учун ўйин билан якунланади. Эркаклар ўртасидаги мусобақа 2024 йилнинг 24 июлида бошланиб, олтин медал учун баҳслар эса 2024 йилнинг 9 августида бўлиб ўтади.
ФИФА расмий сайти ушбу танланган ҳакамлар жаҳон чемпионати баҳслари учун ҳам саралаб олинишини, Олимпиада баҳслари эса уларни назоратдан ўтказиш учун энг яхши мусобақа эканлигини алоҳида таъкидлаган.
Изоҳ (0)