Илгиз Танташев ва унинг жамоаси 12 апрель куни Доҳада бўлиб ўтадиган Қатар ҳамда Бирлашган араб амирликлари давлатлари ўртасидаги Суперкубок мусобақасида ишлайди. У “Ал-Араби” — “Шаржа” учрашувига тайинланди. Бу ҳақда Алишер Никимбаев ўз Telegram каналида хабар қилди.
Ушбу Суперкубок мусобақаси биринчи марта ўтказилаётган янги турнир ҳисобланади. Ҳар икки давлат томонидан иккитадан клуб иштирок этади. Бу иштирокчилар ўз давлатларидаги чемпионат ғолиблари ва маҳаллий кубок эгаларидир.
Мамлакат чемпионлари “Шабаб Ал-Аҳли” ва “Ал-Дуҳаил” Дубайда (13 апрель) биринчи ўйинда майдонга тушса, бир кун аввал кубок соҳиблари Доҳада тўқнаш келишади.
Танташев билан биргаликда “Ал-Тумама” стадионида бўлиб ўтадиган ўйинни унинг доимий ёрдамчилари Тимур Гайнулин ва Андрей Цапенко, захира ҳаками Аҳрол Рисқуллаэв, шунингдек, ВАР ҳаками Акобирхўжа Шукуруллаэв ва Абдурашид Худойбергановлар бошқариб боради.
Изоҳ (0)