“Барселона” футболчиси Иниго Мартинес тиктокер билан тортишиб қолди.
Diario Sport нашрининг хабарига кўра, каталонияликлар ҳимоячиси машғулотлардан сўнг клуб базасидан чиқаётганда ёш тиктокер билан низога борган.
Ижтимоий тармоқларда тарқалган видеода футболчи ўзининг Range Rover автомобилдан тушиб, ёш йигитнинг ёнига боргани акс этган.
“Бу охиргиси бўлсин, сўнгги марта мени аҳмоқ деб атадинг. Қайта такрорланмасин. Бу дўстингга ҳам тегишли”, — деган Мартинес тиктокерга қараб.
Тиктокер йигит ҳам унга қараб жавоб қайтарган. Атрофдагилар жанжалга айланаётган низони бартараф этиш учун томонларни тинчлантирган.
Шу воқеа туфайли “Барселона” футболчиларини ҳимоя қилиш учун полицияга мурожаат қилган. Marca нашрининг маълум қилишича, “кўк-анорранглилар” клуб базасини полиция қўриқламоқда.
“Барселона” Испания чемпионатида 67 очко билан 2-ўринда бормоқда.