Тошкентдаги Президент мактаби ўқувчиси Гарвард университети талабаси бўлди

Тошкентдаги Президент мактаби ўқувчиси Абдулазиз Собиров Гарвард университетига ўқишга қабул қилинди.

Ихтисослаштирилган таълим муассасалари агентлигининг маълум қилишича, у дунё рейтингида Топ 5 ликка кирувчи Гарвард университетига 354 минг доллар миқдоридаги грант билан ўқишга қабул қилинди.

Шунингдек, у АҚШнинг бакалавриат коллежлари орасида 11-ўринни эгаллайдиган Гриннелл коллежининг 300 минг доллар миқдоридаги грантини ҳам қўлга киритган.

Абдулазиз Собиров IELTS’дан 8,5 балл ҳамда SAT’дан 1560 балл олган. У “Заковат Ўқувчилар Лигаси” 2022—2023-мавсуми мутлақ ғолиби — Et Setera жамоаси аъзоси. Шунингдек, Vice-head оf thе United students вице-президенти ҳамда PSAD клуби асосчиларидан бири ҳисобланади.

Маълумот учун, Гарвард университетида Жон Кеннеди, Жорж Буш, Барак Обама, Билл Гейтс, Марк Цукерберг, Роберт Оппенгеймер, Теодор Рузвельт, Беназир Бҳутто сингари машҳур шахслар таҳсил олган.