Финляндияда Хельсинки чеккасидаги мактабда юз берган отишма натижасида бир бола ҳалок бўлди, камида икки киши яраланди. Бу ҳақда Euronews хабар берди.
Хабарга кўра, қўлга олинган гумонланувчи ҳам вояга етмаган.
Маълум бўлишича, ҳодиса оқибатида 12 ёшгача бўлган уч нафар бола жароҳат олган. Улардан бири вафот этган. Воқеа пойтахт Хельсинки чеккасидаги Вантаа шаҳридаги Виэртола мактабида маҳаллий вақт билан эрталаб соат 9 дан кейин содир бўлгани айтилмоқда.
Полициянинг маълум қилишича, гумондор 12 ёшда эканлиги тахмин қилиниб, бир оз вақт ўтиб, пойтахтга яқин ҳудудда қўлга олинган. У полицияга ҳеч қандай қаршилик кўрсатмаган. Унинг ёнида ўқотар қурол борлиги аниқланган.
Полицияга кўра, отишмада ишлатилган қурол боланинг қариндошига тегишли.
Воқеадан сўнг Вантаа ҳудудида полиция операцияси давом этган: расмийлар маҳаллий аҳолидан фавқулодда вазият зонасидан узоқроқ туришни ва уйларини тарк этмасликни сўраган. Воқеа тафсилотлари ҳозирча очиқланмаган.
Икки ўқув биносидан иборат Виэртола мактабида 1-синфдан 9-синфгача бўлган 800 га яқин ўқувчи таълим олади ва 90 га яқин киши ишлайди. Швед тили гуруҳлари ва бошқа махсус таълим синфлари мавжуд.
Изоҳ (0)