Суперлига. “Пахтакор”дан навбатдаги мағлубият. “Насаф” меҳмонда дуранг қайд этди

Футбол бўйича Ўзбекистон Суперлигасининг 4-туридан ўрин олган икки ўйин 30 март, шанба куни бўлиб ўтди.

“Пахтакор” ўз майдонида “Сўғдиёна”ни қабул қилди. Учрашувнинг 10-дақиқасида Дониёр Абдуманнопов ҳисобни очди. Меҳмонлар футболчиси Шоҳруҳ Абдураҳмонов 2 та голга муаллифлик қилиб, меҳмонларни олдинга олиб чиқди.

Биринчи таймнинг қўшиб берилган дақиқаларида Диёр Холматов ҳисобни тенглаштирди. Шоҳруҳ Абдураҳмонов 57-дақиқада пенальтидан гол уриб, хет-трик қайд этди. Ушбу гол учрашувдаги сўнгги гол бўлиб қолди ва “Сўғдиёна” биринчи ғалабасини қўлга киритди.

“Андижон” клуби Қашқадарёнинг “Насаф” клубини қабул қилди. Учрашувнинг 9-дақиқасида Зоран Марушич меҳмонларни олдинга олиб чиқди. Исломбек Маматказин мезбонларнинг биринчи ва учрашувдаги ягона голига муаллифлик қилди. Учрашув дуранг натижа билан якунланди.

Суперлига

4-тур

30 март, шанба

“Пахтакор” – “Сўғдиёна” 2:3

Гол: 1:0 — Дониёр Абдуманнопов (10), 1:1 — Шоҳруҳ Абдураҳмонов (23), 1:2 — Шоҳруҳ Абдураҳмонов (33), 2:2 — Диёр Холматов (45+2), 2:3 — Шоҳруҳ Абдураҳмонов (57). 

“Пахтакор”: 35.Павел Павличенко, 2.Беҳруз Асқаров (18.Саидумархон Саиднуруллаэв, 79), 3.Шаҳзод Азмиддинов, 5.Муҳаммадқодир Ҳамралиев, 8.Диёр Холматов, 10.Драган Черан, 17.Достонбек Ҳамдамов, 22.Умар Адҳамзода, 27.Сардор Собирхўжаев, 33.Дониёр Абдуманнопов (11.Пўлатхўжа Холдорхонов, 70), 77.Дилшод Саитов.

“Сўғдиёна”: 27.Милан Митрович, 3.Исломжон Қобилов, 4.Отабек Аҳадов, 7.Муҳаммадсафо Фозилов, 8.Владимир Ёвович (11.Зоран Петрович, 80), 10.Шоҳруҳ Абдураҳмонов, 14.Люпчо Дориев (6.Алишер Салимов, 68), 15.Хондамир Мустафоқулов (5.Жасур Ёқубов, 68), 17.Самандар Синдаров (9.Самандар Мавлонқулов, 59), 28.Станислав Андреев (18.Миржалол Абдумуталов, 80), 33.Олег Зотеев.

Огоҳлантириш: Люпчо Дориев (65).

“Андижон” – “Насаф” 1:1 

Гол: 0:1 — Зоран Марушич (10),  1:1— Исломбек Маматказин (33).

“Андижон”: 72. Игор Литовка, 5. Абдулвоҳид Ғуломов, 7. Шерзод Эсанов (31. Демир Имери,60), 8. Фарҳод Бекмуродов, 13. Сардорбек Азимов, 15. Владимир Бубаня, 17. Фарҳоджон Соҳибжонов, 26. Муҳаммадкарим Тоиров, 28. Исломбек Маматказин, 51. Лука Згурский, 71. Бектемир Абдуманнонов ( 9. Леван Арвеладзе, 60).

“Насаф”: 35. Абдувоҳид Нематов, 2. Алибек Давронов, 5. Ғолиб Ғайбуллаэв, 7. Акмал Мозговой, 14. Шароф Муҳитдинов, 20. Виктор да Сильва (8. Зафармурод Абдираҳматов, 46), 22, Игор Голбан, 27. Ислом Кенжабоев (10. Бобир Абдухалиқов, 46), 32. Зоран Марушич, 34. Шерзод Насруллаев, 77. Ойбек Бозоров.

Огоҳлантириш: 15—Акмал Мозговой, 40 — Алибек Давронов.