АПЛ. “Ньюкасл” охирги дақиқаларда камбек эвазига ғалаба қозонди

Футбол бўйича 30 март, шанба куни Англия Премьер Лигасининг 30-туридан ўрин олган баҳс бўлиб ўтди.

Унда “Ньюкасл Юнайтед” ва “Вест Ҳэм” жамоалари тўқнаш келди.  Жамоалар Сент-Жеймс Паркда ўйнашди. Учрашувни Роберт Жонсон бошчилигидаги ҳакамлар бригадаси бошқариб борди. Ушбу учрашувда “Ньюкасл” 4:3 ҳисобида ғалаба қозонди.

Олтинчи дақиқада мезбонлар ҳужумчиси Александр Исак пенальтини голга айлантириб, ҳисобни очди. 21-дақиқада Михаил Антонио “Вест Ҳэм”нинг жавоб голини урди. Биринчи бўлим охирида Муҳаммад Кудус меҳмонларни ҳисобда олдинга олиб чиқди. 48-дақиқада Жаррод Боуэн “Вест Ҳэм”нинг учинчи голини урди. 77-дақиқада Александр Исак дублга эришди ва яна пенальтини голга айлантирди. 83-дақиқада “Ньюкасл” ярим ҳимоячиси Харви Барнс Александр Исакнинг узатмаси билан ҳисобни тенглаштирди – 3:3. Меҳмонларга ғалабани 90-дақиқада гол урган Харви Барнс олиб келди.

"Вест Ҳэм" 2023—2024 йилги мавсумда Англия Премьер Лигаси турнир жадвалида еттинчи ўринни эгаллаб турибди. Жамоа 30 учрашувда 44 очко жамғарган. “Ньюкасл” 43 очко билан саккизинчи ўринда бормоқда. 

АПЛ

30-тур баҳси

30 март, шанба

“Ньюкасл” — “Вест Ҳэм” 4:3

Голлар: 1:0 — Исак (6),  1:1—Антонио (21),  1:2 — Кудус ( 45), 1:3 — Бовен (48),  2:3 — Исак (77),  3:3 — Барнс (83), 4:3 — Барнс (90).