APL. “Nyukasl” oxirgi daqiqalarda kambek evaziga g‘alaba qozondi

Futbol bo‘yicha 30-mart, shanba kuni Angliya Premyer Ligasining 30-turidan o‘rin olgan bahs bo‘lib o‘tdi.

Unda “Nyukasl Yunayted” va “Vest Hem” jamoalari to‘qnash keldi.  Jamoalar Sent-Jeyms Parkda o‘ynashdi. Uchrashuvni Robert Jonson boshchiligidagi hakamlar brigadasi boshqarib bordi. Ushbu uchrashuvda “Nyukasl” 4:3 hisobida g‘alaba qozondi.

Oltinchi daqiqada mezbonlar hujumchisi Aleksandr Isak penaltini golga aylantirib, hisobni ochdi. 21-daqiqada Mixail Antonio “Vest Hem”ning javob golini urdi. Birinchi bo‘lim oxirida Muhammad Kudus mehmonlarni hisobda oldinga olib chiqdi. 48-daqiqada Jarrod Bouen “Vest Hem”ning uchinchi golini urdi. 77-daqiqada Aleksandr Isak dublga erishdi va yana penaltini golga aylantirdi. 83-daqiqada “Nyukasl” yarim himoyachisi Xarvi Barns Aleksandr Isakning uzatmasi bilan hisobni tenglashtirdi – 3:3. Mehmonlarga g‘alabani 90-daqiqada gol urgan Xarvi Barns olib keldi.

"Vest Hem" 2023—2024-yilgi mavsumda Angliya Premyer Ligasi turnir jadvalida yettinchi o‘rinni egallab turibdi. Jamoa 30 uchrashuvda 44 ochko jamg‘argan. “Nyukasl” 43 ochko bilan sakkizinchi o‘rinda bormoqda. 

APL

30-tur bahsi

30-mart, shanba

“Nyukasl” — “Vest Hem” 4:3

Gollar: 1:0 — Isak (6),  1:1—Antonio (21),  1:2 — Kudus ( 45), 1:3 — Boven (48),  2:3 — Isak (77),  3:3 — Barns (83), 4:3 — Barns (90).