Қозоғистоннинг Жетису вилоятида халқаро юк ва йўловчи ташувчи аэропорт қурилади. Бу ҳақда вилоят ҳокимлигига таяниб, Tengrinews хабар берди.
Аэропорт “Хоргос – Шарқий дарвоза” эркин иқтисодий зонаси ҳудудида қурилади. Инвестор Германиянинг The Hansa Consortium компанияси бўлиб, 250 миллиард тенге (тахминан 557 миллион доллардан зиёд) сармоя киритиши режалаштирилган. Қозоғистон—Германия қўшма лойиҳаси уч босқичда амалга оширилади, 700 та иш ўрни яратилади.
Аэропортнинг юк ташиш қуввати 50 минг тонна, йўловчи терминали эса соатига 500 кишига хизмат қилиши кутилмоқда.
“Лойиҳа доирасида ишлаб чиқариш қувватларини ошириш, меҳмонхона, савдо ва кўнгилочар марказни фойдаланишга топшириш ҳам режалаштирилган. Бу 2032 йилгача тўлиқ якунланади. Аэропортнинг ўзи 2027 йилда ишга тушиши режалаштирилган”, — дейилади хабарда.
Изоҳ (0)