БМТ Хавфсизлик Кенгаши рамазон ойида Фаластинда ўт очишни тўхтатишни талаб қилувчи резолюцияни қабул қилгандан сўнг, Исроил мудофаа вазири Йоав Галант Ғазо секторидаги жангларни тўхтатишга “маънавий ҳаққи” йўқлигини айтди.
Ғазо секторида гаровга олинганлар қолаётган пайтда урушни тўхтатишга маънавий ҳаққимиз йўқ. Ғазо секторида ҳал қилувчи ғалабага эриша олмаслик бизни шимолдаги урушга яқинлаштириши мумкин, — деди Галант.
Вазирнинг қўшимча қилишича, у Вашингтонга Исроил мудофаа кучларини (IDF) мустаҳкамлаш ва яҳудий давлати имкониятларини кенгайтириш мақсадида ташриф буюради.
“АҚШ миллий хавфсизлик бўйича маслаҳатчиси Жейк Салливан билан бўладиган биринчи учрашувимда мен ҲАМАСни йўқ қилиш ва гаровга олинганларни уйларига қайтариш муҳимлигини таъкидлайман. Биз ҳамма жойда ҲАМАСга қарши ҳаракат қиламиз”, — дея таъкидлади Галант.
Изоҳ (0)