Москва вилоятидаги “Пикник” гуруҳининг концерти бўлиб ўтаётган Crocus City Hall концерт залида номаълум шахслар ўт очди. Бинода портлаш содир бўлган ва ёнғин бошланган. Қурбонлар сони 40 дан ошгани айтилмоқда.
Россия оммавий ахборот воситалари 100 киши жароҳатланганини ёзмоқда. Москва мери Сергей Собянин ҳалок бўлганларнинг яқинларига ҳамдардлик билдирган ва содир бўлган воқеани даҳшатли фожиа деб атаган.
Воқеа жойига махсус тезкор жавоб қилиш отряди ва ОМОН, шунингдек, ўт ўчирувчилар жалб қилинган. Ёнаётган бинонинг ертўласидан 100 га яқин одам эвакуация қилинган. Россия Ташқи ишлар вазирлиги Crocus City Hall’да юз берган воқеани қонли теракт деб атаган. АҚШ Москвадаги отишма муносабати билан ҳамдардлик билдирган.
Crocus City Hall’га ҳужум қилган одамлар ҳақида деярли ҳеч нарса маълум эмас. ОАВ ва ижтимоий тармоқларда беш киши отишма уюштирган бўлиши мумкинлиги ҳақида хабарлар тарқалган. Улар концерт залининг фойесида ташриф буюрувчиларни отиб ташлаган. Ҳозирда бинода яширинишга муваффақ бўлишгани айтилмоқда.
Изоҳ (0)