Crocus City Hall’даги теракт қурбонлари орасида Ўзбекистон фуқаролари бор ёки йўқлигини аниқлаш мақсадида элчихона ходимлари Москва шаҳри ва Москва вилоятидаги тиббиёт муассасаларига бораётгани маълум қилинди.
Элчихона маълумотида келтирилишича, Тошкент вақти билан 14:00 ҳолатига кўра, жабрланган ёки ҳалок бўлган Ўзбекистон фуқаролари ҳақида маълумот келиб тушмаган. Элчихона тегишли ҳуқуқ-тартибот идоралари ва тиббиёт муассасалари билан яқин алоқада бўлиб турибди.
Москва шаҳрида хавфсизлик чоралари кучайтирилаётгани муносабати билан элчихона “Домодедово” ва “Внуково” халқаро аэропортларидан парвоз қилаётган йўловчиларни аэропортларга олдиндан етиб келишини сўради.
“Шу билан бирга, Ўзбекистон Республикаси фуқароларини хавфсизлик чораларига риоя қилишга чақирамиз. Зарур ҳолларда Ўзбекистоннинг Москвадаги элчихонаси консуллик бўлимининг cалл-марказига мурожаат қилинг: +7 499 238-36-20; +7-499 230-00-76”, – дейилади элчихона хабарида.
Изоҳ (0)