Шавкат Мирзиёев 23 март куни Россия президенти Владимир Путин билан телефон орқали мулоқот қилди. Бу ҳақда Президент матбуот хизмати хабар берди.
Президент мулоқотда унга ва дўст Россия халқига Москва вилоятидаги Crocus City Hall концерт залида содир этилган террорчилик ҳаракати оқибатида кўплаб инсонлар қурбон бўлгани муносабати билан чуқур ҳамдардлик билдирди. Давлат раҳбари Ўзбекистоннинг кўп миллатли халқи номидан вафот этганларнинг оила аъзоларига бардамлик, жароҳатланганларга тез фурсатда шифо топишларини тилади. Бегуноҳ инсонларга қарши қаратилган ушбу жиноят яна бир бор қатъи қораланди.
Россия етакчиси, ўз навбатида, Ўзбекистон президентига ушбу оғир дамда билдирилган далда сўзлари ва зарур кўмакни кўрсатишга тайёрлиги учун миннатдорлик билдирди. Мамлакатлар хавфсизлиги ва барқарор тараққиётига таҳдид бўлган ушбу ёвуз кучга қарши курашиш бўйича икки томонлама ҳамкорликни фаоллаштиришга келишиб олинди.
Изоҳ (0)