27—28 апрель кунлари Тошкентда биринчи Jolbors Business Summit бўлиб ўтади.
Мазкур саммит тадбиркорлар, бизнесни ривожлантириш бўйича маҳоратли мутахассислар, маркетологлар ва бренд менежерлари учун мўлжалланган Марказий Осиё миқёсидаги саммитдир. Тадбирнинг мақсади — иштирокчиларни бирлаштириш ва ривожлантириш орқали кучли ишбилармонлик муҳитини яратишга кўмаклашишдан иборат. Саммит ташкилотчилари 12 йил давомида бозор мутахассисларини бирлаштириб, соҳани ривожлантириб келаётган Марказий Осиёдаги энг йирик маркетинг ва реклама фестивали бўлмиш Jolbors фестивали муаллифларидир.
Jolbors лойиҳаси ҳаммуассиси Сабина Рейнголднинг сўзларига кўра, йирик бизнес саммитини ўтказиш ғояси ва кўпинча ишбилармонлик муҳитини ривожлантиришда секинлашувга олиб келувчи мутахассислар ўртасидаги англашилмовчилик ва бир тараф бошқа тарафнинг жараёнларига етарлича кириб бормаслиги муаммосидан пайдо бўлган.
Jolbors фестивали орқали коммуникациялар ва реклама бозорининг муваффақиятли ривожланиши йиллари давомида биз том маънодаги олға силжиш учун бизнесга унинг барча унсурлари яхлит ва мувофиқлаштирилган тизим сифатида ишлаганда юзага келадиган синергия таъсири етишмаётганини англадик. Айнан шу боис биз Jolbors Business Summit’ни ташкил этдик. Биз бизнес занжирининг ҳар бир иштирокчиси — бизнес эгаси ёки маркетолог, тадбиркор ёки ижодкорона мутахассис бўлишидан қатъи назар, бир-биридаги бор кучни кўришларини истаймиз. Ушбу занжирнинг ҳар бир иштирокчиси тажриба алмашиш, бизнес кейсларни муҳокама қилиш, алоқалар тармоғини яратиш, биз ишлаётган бизнес муҳитини ривожлантириш орқали ўз тажрибасини оширишини ҳам кўзлаймиз”, — деди Jolbors Business Summit’нинг ҳаммуассиси Сабина Рейнголд.
Jolbors Business Summit 3 дастури 3 қисмдан иборат:
Мутахассислар бизнесни ривожлантириш бўйича амалиётларидан олинган ҳолатлар асосида маърузалар билан чиқишлари. Шунингдек, мисолларда ўрганиш (case study) кўринишидаги тадбирлар ҳам режалаштирилган бўлиб, бизнес бошқарувчилари ва маркетинг бўйича директорларнинг қўшма чиқишларида улар ўз бизнес кейсларини баҳам кўришади.
Бошқарувчилар бизнес ёндашувлари нуқтайи назаридан муайян ҳолатларни кўрсатиб беришса, маркетологлар эса маркетинг воситалари бизнес муаммоларини ҳал қилишда ва кўзланган натижаларга эришишда қандай ёрдам берганини муҳокама қилишади. Тадбир 27 апрель куни бўлиб ўтади.
Амалий лабораториялар — ҳақиқий қисқача маълумотлар асосида бизнесни ривожлантириш ва маркетинг бўйича маҳорат дарсларидир. Иштирокчилар бизнес муаммоларини ҳал қилиш орқали ўз кўникмаларини амалиётда синаб кўришлари мумкин.
Jolbors Business Breakfast — расмий йиғилиш шаклидаги мутахассислар иштирокидаги бизнес-нонушта бўлиб, унинг ёрдамида иштирокчилар бизнесни ривожлантириш бўйича долзарб масалаларни муҳокама қилишлари мумкин бўлади. 28 апрель куни ташкил этилади.
Jolbors Business Summit ҳақида батафсил маълумотлар қуйидаги Интернет саҳифасида келтирилган:
https://www.jolborssummit.com
Изоҳ (0)