Тошкент шаҳрида Польша Инвестициялар ва савдо агентлигининг ваколатхонаси очилади, деб хабар бермоқда “Дунё” ахборот агентлиги.
Ўзбекистон элчиси Амирсаид Аъзамхўжаев Польша ташқи ишлар вазирининг ўринбосари Марек Правда билан учрашув ўтказди. Суҳбат давомида Ўзбекистон-Польша муносабатларини янада мустаҳкамлаш ва аввал эришилган келишувларнинг амалий ижроси муҳокама қилинди.
Томонларнинг барча йўналишлар бўйича ўзаро манфаатли ҳамкорликни янада ривожлантиришга тайёрлиги тасдиқланди. Жорий йилга режалаштирилган қўшма тадбирлар, жумладан, Иқтисодий ҳамкорлик бўйича Ўзбекистон-Польша ҳукуматлараро комиссиясининг навбатдаги йиғилишига пухта тайёргарлик кўриш юзасидан фикр алмашилди.
Шунингдек, Польша Инвестициялар ва савдо агентлигининг Тошкентда ваколатхонасини очиш билан боғлиқ масалаларга эътибор қаратилди. Шу йилнинг 13 март куни Варшава—Тошкент—Варшава йўналиши бўйича йўлга қўйиладиган биринчи тўғридан тўғри ҳаво қатновининг муҳим аҳамияти таъкидланди.
Изоҳ (0)