Ҳиндистоннинг Тривандрам шаҳридаги ўрта мактабда сунъий интеллектга эга Ирис исмли илк ўқитувчи-робот иш бошлади. Бу ҳақда “Правила жизни” нашри хабар бермоқда.
Ташқи кўриниши инсонга хос робот ҳиндча миллий либос — сари кийган ҳолда дарс ўтади ва ғилдираклар ёрдамида ҳаракатланади. Робот учта тилда гапиради: инглиз, ҳинд ва малай. У овоз билан турли мавзулардаги саволларга жавоб бера олади ва ўқувчилар билан ҳар хил мавзуларда мулоқот қилади. Мазкур робот-ўқитувчи мактабда айнан қайси фандан дарс бериши ҳали очиқланмаган.
Ирис дастлаб Ҳиндистон Трансформация Миллий Институти томонидан мактабларда дарсдан ташқари машғулотларни ривожлантиришга қаратилган лойиҳа доирасида ишлаб чиқилган.
Лойиҳа эгалари ушбу робот мактабдаги таълимнинг янада қизиқарли бўлишига умид қилмоқда.
Изоҳ (0)