АПЛ. “Арсенал” тўхтамаяпти. Бу сафар “Шеффилд” нишонга олинди (видео)

Футбол бўйича Англия Премьер Лигасининг 27-туридан ўрин олган “Шеффилд Юнайтед” ҳамда “Арсенал” жамоалари ўртасида баҳс 4 март, душанба куни бўлиб ўтди.

Унда Лондон жамоаси мезбонларни аяб ўтирмади. Учрашувнинг 5-дақиқасида Эдегор ҳисобни очди. 13- дақиқага келиб мезбонлар вакили Богл ўз дарвозасини ишғол қилди. Икки дақиқа ўтиб Мартинелли ҳисобни 0:3 кўринишига олиб келди. 25-дақиқада Кай Ҳаверц ҳисобни янада йириклаштирди. 39-дақиқада Райс мезбонларни бутунлай таслим қилди.

Учрашувнинг иккинчи бўлимининг 58-дақиқасида Уайт ҳисобни 0:6 бўлишини таъминлади.

Шундай қилиб, “Арсенал” ўзининг кетма-кет еттинчи ғалабасини нишонлади. Артета шогирдлари 7 ўйинда 31 бор рақиблар дарвозасини ишғол қилиб, бор йўғи уч бор ўз дарвозасидан тўп олиб чиқди.

Лондонликлар ушбу ғалабадан сўнг 61 очко тўплаб учинчи ўринда бормоқда. Улар иккинчи ўриндаги “Манчестер Сити”дан бир очкога, “Ливерпуль”дан икки очкога ортда қолмоқда.

АПЛ

 27-тур

4 март, якшанба

“Шеффилд Юнайтед” — “Арсенал” 0:6

Голлар: 0:1 — 5 Эдегор (5), 0:2 — 13 Богл (автогол), 0:3 — 15 Мартинелли, 0:4 — 25 Ҳаверц, 0:5 — 39 Райс, 0:6 — 58 Уайт.

“Шеффилд Юнайтед”: Грбич, Богл, Робинсон, Аҳмедҳожич (Арбластер, 64), Трасти, Макати (Болдок, 46), Ҳамер, Норвуд (Осборн, 17), Дэвис (Брукс, 46), Винисиус, Макберни (Осула, 46).

“Арсенал”: Райя, Уайт (Соареш, 65), Габриэль, Салиба, Кивиор, Жоржиньо (Парти, 65), Эдегор, Райс (Троссард, 74), Ҳаверц, Мартинелли (Жезус, 64), Сака (Виейра, 46).

Огоҳлантириш: Богл (29).