«Мўъжизакор аёл» кинокартинаси юлдузи Гал Гадот «Форсаж-10» фильмининг актёрлар сафига қўшилади. Бу ҳақда «Фильм.ru» нашри хабар бермоқда.
Гадот «Форсаж» фильмидаги илк ролини 2009 йилда катта экранларга чиққан франшизанинг тўртинчи қисмида ижро этган. Актриса Голливуддаги карьерасини бошлаган Жизел Яшар ролини ижро этди. Яшар «Форсаж-6» фильмида севгилиси Ханни (фильмда бу ролни кореялик актёр Соон Канг ижро этган) қутқармоқчи бўлганида ўлдирилади.
Жизелнинг тирилиши тафсилотлари ҳақида хабар берилмаган. Ўнинчи фильмдаги бош антагонист ролини Гадотнинг «Адолат лигаси»даги жамоадоши Жейсон Момоа ижро этади. Актёрлар жамоасига Вин Дизель, Мишел Родригес, Бри Ларсон, Чарли Терон, Жейсон Стейтем, Жон Сена, Хелен Миррен ва бошқалар ҳам қўшилди.
«Форсаж-10» кинокартинасини «Алдаш иллюзияси», «Титанлар» тўқнашуви фими режиссёри Луи Летерриэр суратга олади. Халқаро релизнинг премьера қилиниши 2023 йилнинг май ойига режалаштирилган.
Мавзуга доир:
- «Мўъжизакор аёл» — Гал Гадот ишлайдиган оналарнинг оиладаги қийинчиликлари ҳақида ўз ҳаёти мисолида гапириб берди.
- «Мўъжизакор аёл» юлдузи Гал Гадот «Оппоғой»нинг янги экранизациясида ёвуз қиролича ролини ўйнайди.
- «Мўъжизакор аёл» юлдузи Гал Гадот учинчи бор она бўлди.
- Гал Гадот «Мўъжизакор аёл: 1984» фильмини томоша қилиш вақтида йиғлаганини тан олди.
Изоҳ (0)