Фарғона вилояти Данғара туманида Cobalt йўл четида кетаётган беш нафар пиёдани уриб юборгани ҳақида хабар берилганди. Мазкур ҳодиса юзасидан вилоят ИИБ ахборот хизмати қўшимча маълумот берди.
Унга кўра, 20 февраль куни фуқаро Ш.В. Cobalt’ни Қўқон—Мулкобод—Гулбоғ Пунган автомобиль йўлининг Данғара туманидан ўтган қисмида бошқариб кетаётиб, бошқарувни йўқотиб, йўлнинг ўнг четида ҳаракатланиб кетаётган 5 нафар пиёдани уриб юборган ва ҳодиса жойидан яширинган.
Оқибатда фуқаролар Ў.И. ва К.И.лар ҳодиса жойида вафот этган. Бироқ малакали тиббий ёрдамга қарамасдан, Д.И. ва Ў.Ё.лар олган тан жароҳати оқибатида шифохонада вафот этган.
Мазкур ҳолат юзасидан вилоят ИИБ ҳузуридаги Тергов бошқармаси томонидан Жиноят кодексининг 266-моддаси 3-қисми “а” банди билан жиноят иши қўзғатилиб, йўл-транспорт ҳодисаси содир этган Ш.В.га нисбатан қамоққа олиш тарзидаги эҳтиёт чораси қўлланган.
Ҳозирда дастлабки тергов ҳаракатлари олиб борилмоқда.
Изоҳ (0)