Тошкентнинг Олмазор туманида Spark, Nexia-2 ва Lacetti иштирокида содир бўлган ЙТҲ оқибатида бир киши вафот этди.
Пойтахт ИИББ Йўл ҳаракати хавсизлиги бошқармасининг маълум қилишича, ҳодиса 4 март куни соат 21:00 ларда Жарариқ кўчаси 11-уй қаршисида содир бўлган. Вояга етмаган ҳайдовчи Қ.С. (2008 йилда туғилган) бошқарувида бўлган Spark, 1984 йилда туғилган Р.Р. бошқарувидаги Nexia-2 ҳамда 2000 йилда туғилган Р.А. бошқарувидаги Lacetti тўқнашган.
ЙТҲ натижасида Nexia-2 ҳайдовчиси олган тан жароҳатлари натижасида шифохонада вафот этган. Spark ҳайдовчиси ва бир нафар 2009 йилда туғилган йўловчи тан жароҳат олиб шифохонага ётқизилган.
Мазкур ҳолат юзасидан Тошкент шаҳар ИИББ Тергов бошқармаси Жиноят кодексининг 266-моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш оқибатида одам ўлимига сабаб бўлиш) билан жиноят иши қўзғатилган. Тергов давом этмоқда.
Изоҳ (0)