Кир ювиш капсулалари автомат кир ювиш машиналарида фойдаланиш учун ишлаб чиқилган замонавий воситадир. Ҳар бир капсула бир марта ювиш учун етарли бўлиб, унинг ичига баъзан кондиционер, доғларни бартараф этувчи ёки оқартирувчи воситалар ҳам қўшилган бўлади. Капсулаларнинг қуюқ гелсимон ҳажми кир ювиш машиналарида фойдаланиш учун тўлиқ мослаштирилган.
Ёдда тутиш лозимки, капсулалар қўлда кир ювиш учун мўлжалланмаган, чунки уларнинг сувда эрувчан махсус қобиғи фақат автомат машинада эрийди. Капсулалар янада самарали бўлиши учун улардан фойдаланиш бўйича йўриқномадаги қоидалар ва қуйидаги тавсияларга амал қилиш лозим.
Гелли капсулалардан фойдаланиш тартиби
Кир ювиш капсуласини кийимлардан аввал кир машина барабанининг чуқурроқ чеккасига солинади. Бир дона капсула 4-5 килограмм кийимни ювиш учун етади. Шунингдек, барабан ичида жуда кам ёки ҳаддан ортиқ кўп кийим бўлиши капсула яхши эримаслигига ва кийимларда ёпишқоқлик юзага келишига сабаб бўлади. Капсула эриши учун оптимал ҳарорат 40 даража ва ундан юқоридир. Шу сабабли капсула сотиб олаётган вақтда унинг ишлатиш қоидалари билан танишиб чиқиш зарур.
Капсуладан фойдаланиш имкони бўлмаса-чи?
-QZv-VhsY.jpeg)
Баъзи нозик кийим-кечакларни 40 даражадан паст ҳароратда ювиш талаб этилади. Бундай ҳолатда капсула ўрнига суюқ порошок — гелдан фойдаланиш мақсадга мувофиқдир. Кир ювиш гели ҳар қандай ҳароратда тўлиқ эрийди ва кийим-кечакка зарар етказмай тозалайди. Бундай гель болалар кийими, жун ва ипак толали кийимлар учун жуда мосдир.
Изоҳ (0)