Бундай ҳолат умрида бир марта бўлса ҳам пиёз тўғраган ҳар бир кишига таниш. Қуйида келтирилган самарали усулларни синаб кўриш орқали пиёзларни кўз ёшларсиз тўғрашга эришасиз.
Кўзойнак тақинг
Пиёз тўғраётган пайтда у маълум ферментларни ишлаб чиқаришни бошлайди. Кимёвий реакциялар пайтида айнан S-оксиди кўз шиллиқ қаватини қисқа муддатга яллиғлайди. Бунинг олдини олиш учун махсус кўзойнаклар ишлаб чиқилган.
Бундай қимматбаҳо кўзойнак ўрнига сузиш учун мўлжалланган ҳимоя кўзойнакларидан ҳам фойдаланиш мумкин — улар кўз атрофига маҳкам ўрнашгани ҳисобига пиёздан чиқадиган газни ўтказмайди.
Ҳа айтганча, линза тақадиган одамларнинг ҳам кўзи пиёздан ачишмайди.
Пичоқни ўткирланг
Яхши чархланган пичоқ камроқ ҳужайраларга зарар етказади, шунинг учун кўзни безовта қиладиган S-оксидлар камроқ ишлаб чиқарилади. Шунингдек, ўткир пичоқ тўғраш жараёнини тезлаштиради.
Пиёзни музлаткичда совутинг
Совуқ ҳавода кимёвий реакциялар секинроқ давом этади. Пиёздан фойдаланишдан аввал уни музлаткичда 15-20 дақиқага қолдиринг ёки совуқ сувга солиб қўйинг.
Пиёзни тўғрашдан аввал бандини олиб ташламанг
Кўзни ёшлатадиган энг кўп моддалар тўпланган қисми пиёз банди саналади.
Изоҳ (0)