Европа Иттифоқи Россияга қарши 13-санкция пакетини тасдиқлаб, унинг доирасида 106 нафар жисмоний ва 88 нафар юридик шахсга нисбатан чеклов чораларини киритди. Бу ҳақда ЕИ баёнотига таяниб, “ТАСС” хабар берди.
Баёнотга кўра, кенгаш Украинанинг ҳудудий яхлитлиги, суверенитети ва мустақиллигига путур етказувчи ёки таҳдид солувчи ҳаракатлар учун жавобгар бўлган яна 106 нафар жисмоний ва 88 юридик шахсга нисбатан чеклов чораларини қўллашга қарор қилган. Шу тариқа ЕИнинг Россия учун қора рўйхатига 2 мингдан ортиқ шахс ва компаниялар киритилган. Барча шахсларнинг ЕИ мамлакатлари ҳудудига кириши тақиқланади, агар уларнинг активлари аниқланса, музлатилади.
13-санкция пакетининг бир қисми сифатида Европа Иттифоқи қуйидагиларни киритди:
- Россия мудофаа саноатини қўллаб-қувватлаётган Россия Федерацияси ва бошқа еттита давлатнинг (Ҳиндистон, Хитой, Шри-Ланка, Сербия, Қозоғистон, Таиланд, Туркия) 27 компаниясига нисбатан чеклов чоралари;
- дронлар ва электр трансформаторлари учун эҳтиёт қисмларни Россия Федерациясига етказиб бериш бўйича экспорт чекловлари;
- КХДР мудофаа вазири Кан Сун Намга нисбатан шахсий санкциялар.
Изоҳ (0)