Россияда мураккаб молиявий аҳволда қолган ўзбекистонликларга ёрдам кўрсатилди, деб хабар бермоқда Ташқи меҳнат миграцияси агентлиги ахборот хизмати.
Унга кўра, Бурятия Республикасидаги “БестПлюс”, “Дубрава”, “СмитИнвест”, Екатеринбургдаги “СТО”, Туладаги “Транскапиталбанк”, “Цветочний мир”, Самарадаги “Самарский Стройфарфор” корхоналарида ишлаётган юртдошлар ҳамда уларнинг иш берувчиси билан учрашувлар ташкил этилди.
Пермда мураккаб молиявий аҳволда қолган юртдошларга ёрдам кўрсатилди. Волгоградда ишсиз қолган фуқаролар иш билан таъминланди ва ҳужжатлари олиб қўйилган юртдошларнинг паспортлари қайтарилди.
Шунингдек, Уфа шаҳридаги Бошқирдистон давлат аграр университетида таҳсил олаётган ўзбекистонлик ёшлар билан учрашув ташкил этилди. Санкт-Петербург шаҳрида кўчада йиқилиб, тан жароҳати олган ва шифохонага ётқизилган фуқаро ҳолидан хабар олинди.
Изоҳ (0)