Мафтункор малла соч қизалоқ мана тўққиз йилдирки, бутун дунёдаги одамларнинг қалбини забт этмоқда. Бугунги кунда Полина Роговцеванинг YouTube каналларидаги обуначилар сони 23 миллион кишидан ошади ва улардан келадиган даромад бутун оиласига яхши яшаш имконини беради.
Ҳозирги кунда боланинг катталар қаторида машҳур видеоблогерга айланиши ҳеч кимни ажаблантирмайди. Бироқ Полина Роговцеванинг ота-онаси қизини YouTube юлдузига айлантиришни умуман режалаштирмаган, чунки ушбу видеохостинг сайтидаги биринчи канал шунчаки ўйин-кулги учун яратилган.
Аммо ҳозир унинг иккита жуда машҳур канали бор: “Super Polina” ва “Super Polina Play”. Дастлаб биринчиси рус тилида, иккинчиси эса инглиз тилида бўлган. Бироқ ҳозирда иккала каналда Полина рус ва инглиз тилида гаплашадиган видеоларни кўришингиз мумкин.
Карьерасининг бошланиши
Полина 2012 йил 28 мартда Россияда туғилган, бироқ бир неча йиллардан бери ота-онаси билан АҚШда яшайди. Унинг қариндошлари қизининг шахсий ҳаётини интернетдан ташқарида реклама қилишини ёқтирмайди, шунинг учун ёш YouTube юлдузи ҳақида маълумот кўп эмас.
Роговцевларнинг сўзларига кўра, Полина ҳар доим камера олдида суратга тушишни яхши кўради, у ўзига қаратилган эътибордан хижолат бўлмай, бажонидил ўйнайди. Бундан ташқари, ота-оналарнинг таъкидлашича, қизалоқнинг ўзи унинг иштирокида видеоларни юклаш учун YouTube’да аккаунт яратишни сўраган. Бу қанчалик тўғри эканлиги номаълум, чунки “Super Polina” канали 2014 йилнинг ёзида қизалоқ атиги 3 ёшлигида очилган.
Бироқ каналдаги биринчи видео 2015 йилга келибгина пайдо бўлган: унда Полина дўкон ойнасидаги Минион ўйинчоғини завқ билан ўйнайди.
Қизиқарли видео етти мингдан ортиқ кўрилади, аммо ўша пайтда Роговцевлар бунга унчалик аҳамият бермайди, балки вақти-вақти билан оила архивидаги видеоларни баҳам кўришни давом эттириб, қизининг қўғирчоқлар билан қандай ўйнаганини, паркларда сайр қилганини жойлайди.
Шу орада томошалар ва обуначилар сони ўсишда давом этади, охир-оқибат қизалоқнинг ота-онаси болаларнинг YouTube каналини доимий даромад манбаига айлантиришга қарор қилади.
YouTube канали қандай мавзуларда?
Биринчи видеолар, юқорида айтиб ўтилганидек, оддий ва маъносиз эди: қизалоқ ўйинчоқлари билан ўйнайди, болалар шоуларида қатнашади, ширинликлар ейди, паркларда сайр қилади. Вақт ўтиши билан ҳар бир видео пухта ўйланган сценарийга эга ҳақиқий шоуга айлана бошлади. Катта бўлган Полина нафақат камера олдида совғаларни очиб, дўконларга ташриф буюради, балки рақсга тушади, қўшиқ айтади ва кулгили воқеаларни ҳам сўзлаб беради.
Ҳозирда 12 ёшли қизнинг каналларида у қандай қилиб соч турмаклаши ва макияж қилиши, кийим тикиши ва оригинал образлар яратишини кўриш мумкин. У буларнинг барчасини онаси билан қилади, онаси ҳам қизига бажонидил маслаҳат беради ва у билан биргаликда завқланади.
Полина ҳар доим самимий ва қувноқ, видеолари ҳам енгил ва ижобий атмосферага эга, шу сабабдан ҳам уни ўнлаб мамлакатлардан миллионлаб одамлар кузатади. Турли манбаларга кўра унинг YouTube каналларидаги ойлик даромади 20 минг доллардан 300 минг долларгача.
Пуллар нимага сарфланади?
Онасининг сўзларига кўра, пулнинг катта қисми қизининг ўқишига кетади, АҚШда ўқиш жуда қиммат: масалан, Полина кўп йиллар давомида профессионал рақс билан шуғулланади, баъзида ўзининг чиқишлари ва машғулотларининг видеоларини каналига жойлаштиради. Бундан ташқари, Америкада бола келажакда ўқийдиган коллеж учун ҳам маблағ йиғиб борилади.
-yEwsVQFL.webp)
Полина Роговцеванинг режалари ва орзулари ҳақида деярли ҳеч нарса маълум эмас: қиз ҳали ўз обуначиларига келажакда нима қилишни истаётганини айтмаган. Бироқ баъзилар у модел, қўшиқчи ёки раққоса сифатида карьерасини яратиши мумкинлигини таъкидламоқда, чунки у бунинг учун барча қобилиятларга эга.
Изоҳ (0)