Ижодий қобилият генга боғлиқми? Мазкур юлдуз меросхўрлар ота-оналарининг изидан бормоқда. Улар нафақат ота ёки онасининг касбини танлаган, балки улар билан биргаликдаги лойиҳаларда иштирок этишни бошлаган.
Блю Айви Картер — Бейонсенинг қизи
Мухлислар яқин келажакда Блю Айви ҳам онаси Бейонсе каби мега-машҳур бўлишига ишонади. Қизалоқ катта саҳна нималигини бешикданоқ билади. Ҳозир у 12 ёшда, аммо аллақачон Қиролича Б билан чиқиш қилмоқда. Блю Айви мусиқа билан шуғулланиб, 2019 йилда “Қирол шер” фильмининг саундтрегини ижро этгани учун Soul Train мукофотини қўлга киритган. Шунингдек, у ота-онаси билан биргаликда “Brown Skin Girl” қўшиғини яратишда иштирок этди ва бу ҳақиқий оилавий ютуққа айланди.
Ҳозирда эса Блю Айви онаси билан саҳнага чиқади. Кўпинча у саҳналарда ўйнайди ва Бейонсе билан ҳамкорлик қилади.
Мерси Жеймс, Эстер Чиккони — Мадоннанинг қизлари
Мадоннанинг энг машҳур қизи — Лурдес Леон. Қиз модел ва қўшиқчи сифатида карьерасини қурмоқда, лекин юлдуз онасидан алоҳида ишлайди. Ажабланарлиси шундаки, Мадонна билан саҳнада анча камтар ва унчалик таниқли бўлмаган қизлари чиқиш қилди — асраб олган қизлари Мерси Жеймс ва Эстер Чиккони. Мадонна уларни октябрь ойида ўзининг концертларидан бирида кенг жамоатчиликка таништирган. Балки, у қизларининг продюсери бўлишни режалаштираётгандир?
Мерси мусиқа бўйича ажойиб истеъдодга эга. Масалан, ушбу концертда у “Bad Girl” қўшиғини ижро этиш пайтида пианинода Мадоннага ҳамроҳлик қилди. Эстер эса ажойиб раққоса. Қизлар юлдуз онасининг концертига кўрк бағишлаб, халқ меҳрини қозонган ажойиб жамоага айланди.
Пакс Тен ва Маддокс Сиван — Анжелина Жолининг ўғиллари
Анжелина Жолининг асраб олган ўғиллари биринчи бўлиб “Улар аввал отамни ўлдирган” биографик драмасида рол ўйнашди. Фильмга уларнинг онаси режиссёрлик қилган. Ўшанда Пакс Тен атиги 11 ёшда, Маддокс Сиван эса 14 ёшда эди. Бунинг ажабланарли жойи йўқ. Шундай қилиб, Пакс суратга олиш майдончасида фотограф сифатида ишлаган.
Аммо Меддокс янада масъулиятли ва каттароқ иш — роллардан бирини ижро этди. Анжелина боланинг ўз касбига берилиб кетганини, шунингдек, камера қаршисида бўлишни хоҳлаётганини тан олади.
Нортҳ Уэст — Канье Уэстнинг қизи
Эҳтимол, бу қиз юлдуз болалар орасида энг қобилиятлиларидан биридир. Нортҳ Уэст – ажойиб расмлар чизади, макияж қилишни билади ва блог юритишда ўзини синаб кўрмоқда. Яқинда унинг севимли машғулотлари рўйхати кенгайди — юлдузнинг меросхўри мусиқа билан шуғулланмоқда. Нортҳ Майамида отаси Канье Уэстнинг шоусида иштирок этди ва у эрда ўзининг биринчи “Talking / Оnce Аgain” синглини тақдим этди. Кичик Уэст хоним ҳали яккахон трекка қўл урганича йўқ.
Изоҳ (0)