Қашқадарё вилоятида жойлашган “Ҳисор” давлат қўриқхонасига ўрнатилган фото-видеоқопқонлар орқали қор қоплонларининг катта тўдаси тасвирга олинди. Бу ҳақда Экология, атроф-муҳитни муҳофаза қилиш ва иқлим ўзгариши вазирлиги матбуот хизмати хабар берди.
Қўриқхона ходимларининг сўзларига кўра, қор қоплонлари сони кўпайган. Илгари улар иккитадан ортмаган бўлса, ҳозир қор қоплонларининг сони 3-4 тага етади.
Қор қоплони Халқаро табиатни муҳофаза қилиш иттифоқи ва Ўзбекистон Қизил китобига киритилган ноёб тур ҳисобланади. Шунингдек, SITES — йўқ бўлиб кетиш хавфи остидаги ёввойи фауна ва флора турлари билан халқаро савдо қилиш тўғрисидаги Конвенция рўйхатига киритилган. Овлаш қатъиян тақиқланган.
Ўзбекистондан ташқари Хитой, Непал, Қирғизистон, Монголия, Тожикистон, Покистон, Россия, Қозоғистон, Ҳиндистон, Афғонистон ва Бутан каби давлатлар ҳудудида учрайди. Муҳофаза этиладиган табиий ҳудудда Қизил китобга киритилган ҳайвонларни овлаганлик учун жазонинг кучайтирилгани, ҳайвонот дунёсини муҳофаза қилиш — ҳайвонот дунёси объектлари ҳудудлари, турлари ва популяцияси яхлитлигини, сони, уларнинг йўқ бўлиб кетиши ва бошқа зарарли таъсирларнинг олдини олишга қаратилган.
Эслатиб ўтамиз, 2023 йил декабрда “Ҳисор” қўриқхонасининг 40 йиллик тарихида биринчи маротаба қўриқлаш ходимлари томонидан ўрнатилган фото-видеоқопқонлар орқали қор қоплонларининг катта тўдаси тасвирга олинган эди.
Изоҳ (0)